Willkommen auf der Moritzfelder Tratschbank.
Beitrag 1 - Beitrag 2 - Beitrag 3 - Beitrag 4 - Beitrag 5 - Beitrag 6 - Beitrag 7 (neu) - Beitrag 8 (neu)
5. Beitrag:
Vun drhem - TEIL 3.-Hauptbeschäftichung in unsrem Dorf war seit Anf ang,seit des Dorf besteht,jo immer die Landwewrtschaft – also die Baure,Weil awer unser Feld un Acker net graad vun dem beschte war un net in jedem Joohr des notwentiche Geld,vors iwerlewe ingeprung hat,to han unsre Ahne un Urahne,langsam-langsam,angfang ach anre Arweite un Beschäftichunge zu mache un des hat mit der Zeit ach ganz gute Wertschaftliche Erfolche vor unser Dorf un den Bewohner,geprung.Mit Recht kenne meer san das in dee treizicher Joohre,wu jo fascht in der ganzi Welt,een grossi Arweitslosichkeit un Rezzesion war (Wertschaftsnotlage-Konjunktur)war,mir Banater un besonderscht mir Moritzfelder unser beschti un ach erfolgreichschti Zeit han khat.Es war keen Beruf oder Handwerk den es bei uns net gin hat.Wie ich jo schun vorher mol gschrieb han,vun deni ganzi Nochberschderfer sin die Leit vun dort,zu uns kum un han sich des Notwentichschti mache gelos oder han in deni viele Gschäfter die mir khat han inkaaft.Um des ganzi awer ach zu bestätiche-Glaabhaft zu mache,mecht ich alles was es in Moritzfeld gin hat dr Reih noh ufschreiwe,so wie die Berufe –Handwerke un Gschäfter-dr Notwendichkeit entschprechent,entstan sin.Zu erscht sin doch die Heiser gebaut gin un to hat mr doch die Leit wie Maure,Zimmerleit un Tischtler,gebraucht (een grosser Teel vun deeni sin jo glei mit-kumm bei dr Ansiedlung)Dann hat mr doch die Balwiere un die Schneidre –vor die Hose-Jankle,den Bart un die Hoor schneide,gebraucht.Ach die Schmiede un die Waanre ware Notwendich un die han ach ihre Werkstatt ufgemach,dan die Gschätsleit,Wertsheiser un so is eens no dem anre ins Lewe geruf gin.In 1936 beim l5o jährichem Kherweijubileum hat unser Moritzfeld mehr als 23 Beruflichi Tätichkeite un an die l7 anre Aktivitäte khat.Um des alles net zu vergesse un das ach anre Mensche die net in Moritzfeld gelebt han un die Ortschaft vieleich garnet khenne un ach net wisse wie mir eenmol dort gelebt han un vorwas mir ach heint noch gere an die Zeit zurück denke,mecht ich jetz alles was ich noch in Errinerung han,ufnotiere (domols war ich jo noch een kleener Bu un deshalb mecht ich ach bitte,wan etwas net richtich is oder das ich etwas vergess han dan wers doch scheen un ach gut das jemamnd vum eich des komplektiere oder richtich stelle tet) Wie ich schun gsat han,des ganzi stammt net aus eem Buch odr eener anri Dokumntation,nee des han ich alles aus meim Gedächnis –meim Koop un der is ach schun ziemlich alt un hat fascht kee Hoor meehr,notiert.
In dene treizicher Joohre hat Moritzfeld ungefähr 2.1oo Einwohner khat,drfun ware 96 % deitsche,dan ware noch 24 familie rumäne-unsre Koloniste,3 jüdische fam-un 2 ungarische fam.Die Volksschul –bis in die sieweti Klass war in deitsch-bis dahin han die Kolonistekinner in dr Schul alli die deitschi Schproch gelernt un keener hats bis heint bereit-deitsch un schwowisch gelernt zu han In 1932 is dan een rumänisch Lehrer uf Moritzfeld ingeteelt gin un dan is ach die „ Sectia romäne „ins lewe geruf gin,awer in deri ganzi Zeit han mir schwowische Kiner ausser deitsch ach rumänisch lese un schreiwe gelernt,mit eem Wort es war een scheeni Zeit vor uns Kiner.
So un jetzt mecht ich mol unsre Handwerker noo deni ihre Berufe ufzeehle :
BERUFE und HANDWERKER
| Beruf-Handwerk | Anzahl | Name |
| Maurermeister | 3 | Kollet,Franzen. Mengay |
| Zimmermann | 3 | Niederkorn,Dansienger,Salm |
| Schuster | 5 | Minges,Salm,Schrei,Schmiedt (elferschuster)Wiedel |
| Balwiere | 5 | Melcher,Mehler,Halsdorfer,Gemml,Seidel |
| Schneider-Herren | 5 | Totd,Kowatsch,Wanek,Minges,Mengay |
| Schneiderinen | 2 | Melcher,Turba (Lina – Leni ) |
| Tischler | 3 | Pfeifer,Schenk-Dietrich,Zahorak |
| Schmiedt | 4 | Welschoff,Schreiber,Burosch,Mengay |
| Wahner | 2 | Welschoff,Baehr |
| Sattler | 2 | Rohm,Schmietd |
| Fassbinder | 1 | Binder |
| Schpengler | 2 | Löffler,Tripscha |
| Schlosser | 4 | Thees,Fikar,Karabentsch,Schmiedt |
| Fotograf | 1 | Steinbach |
| Uhrreparateur | 1 | Mehler |
| Radiotehniker | 1 | Bietzbrieder Iani und Robert |
| Fleischhaker | 2 | Pospisch,Sauer |
| Zahntechniker | 1 | Buchmann Robert |
| Artz- Medik | 1 | Vöresch. |
| Tierartrztehniker | 1 | Schemmer Gh |
| Sodawasserfabr | 1 | Imber – Rothas Iakob. |
HANDEL und andere AKTIVITÄTE
| Handel - Aktivität | Anzahl | Name |
| Gschäfter | 7 | - Schwartz Hans mit -Buchmann- Franzen mit Schnitwaren,Spezerei,Siesichkeite,Kolonialware - Melcher Andres mit Korzwaren,Schreibsache,Lebensmittel - Kollet Hans mit -Ischtwancket Michel mit Schnitwaren,Lebensmittel,Spezerei - Hastreiter Sepp mit - Dörner Filipp mit |
| Sägewerk un Holzhandlung | 1 | Thees Andres un Sohn Peter |
| Schuh un Lederhanlung | 1 | Rohm Iosef |
| Getreidehändler | 3 | Thees Hans,Halsdorfer M.Hengstenberger H. |
| Wertshaeuser | - Grosses Wertshaus-->Andre Heinrisch - Kaiserwetshaus-->Fisch Kaschper - Monte Carlo-->Salm Niklos |
|
| Apotheke | 1 | Benda Arpat |
| Ankauf un Verkauf vun Milch | 1 | Ördek Peter |
| Rakikessel – Schnapsbrenerei | 2 | Horwat Imre un Rothas Peter |
| Treschmaschienen | 3 | Thees Karl,Tipolt Iosef un Buchmann |
| Kreditbanken | 3 | Agrar-Baauernbank |
| Autobus Unternehmen | 1 | Rothas Hans (Autohans) |
| Blaskapelle- Musich | 1 | Kapellmeister Mehler Michel |
| Footballmanschannschaft | 2 | Schmoll un Pirampasta |
| Postamt mit Telefon un Telegraf | 1 | Ehling un Pepa Petru |
| Freiwilichi Feierwehr | 1 | Hauptmann Chef Belgrasch Stefi |
| Mühlen vor Getreide | 2 | Kern Jani und Jahoda –bis l935-36 |
Bahnhof mit Lagerhalle un abladerampe Beerdigungswagen ( Totenwahn ) |
Römisch-Katolische un Ortodoxe Kerch |
Gemeindehaus- Rathaus – mit ehrenamtlichem Bürgermeister,Notär mit juris |
| Dorfwächtre un Feldhieder |
| Schinder –eener- der war zuständich for die gfreckte Viecher inzugrawe. |
| Brunnegräwer han mir ach khat (die han awer schwartz gearweit ) |
Vergess han ich noch: de Stoffle Schuster,dann de Thebert Juri Schmied,
Hilberts Juri Drexler un Tischler,de Schmied (Schreeder )Schlosser.
Ich men un denk das so ziemlich alli Handwerker un anre Tätichkeite vun uns
rem Moritzfeld ufgschrieb sin.Sollt vielleicht doch jemand oder etwas net drin stehn oder net richtich sin dann wers doch bestimmt scheen un ach gut wan des jemand drzuschreiwe tät.Mir kanns fascht garnet glawe wieviel doch in unsrem Dorf loos war un das des ganzi in unsrer Umgebung ach bekannt war hat zu dem Wertschaftliche Ufschwung beigetraa Deshalb sin jo ach viel Mensche vun unsre
Nochberschs Derfer zu uns kum vor inghafe,vun unsre Meistre sich was neues mache gelos oder des notwendichschti was mr bei ihne im Dorf net griet hat zu- versorche Der greschti Ansturm war meischtens Samschtachs,weil an dem Tach in Gataia,immer der grosii Wuchemark abghal is gin An dem Tach sin die Leit, vun Binesch,Fisesch,Tirol-Königsgnad,Gertnesch,ach Berzovia un Morawa,iwer Moritzfeld,mit ihrem Getreide,Hinkle,Aier,Gemiese un allem anre drum un dran was schun aus der Landwertschaft gfext is gin,uf den Wuchemark gfahr. Die Bienescher han ihre Ochsewähn,immer voll mit Milchtepp,Wasserkriche ,Blume- tepp, un noch so verschiedenes was mr schun vun dem geele Treck den es nor dortgin hat,herstelle hat khenne.,na ja un mit der Gelegenheit is halt dan ach immer glei inghaft gin un bei unsre Handwerker so manches bestellt,bei deni Schmiedte.ihre Pherd ach glei mit neie Schuh – Hufeise – versorcht,- dan bei de Wahnre een neies Rad,oder Wahnstang,Deixel oder –oder bestellt.un des ganzi is dan am nächste Samschtach,wie se mol wiedr uf de Mark gfahr sin,abghol gin.Die Leit vun Morawa oder Grosschemlak han oft een Umwech iwer Moritzfeld gemach,vor ihr Bestelltes abzuholle un oft is gelichzeitich noch was Notwendiches bestellt gin.
So war des ach eenmol,im Herbscht,die Trauwe ware schon als Flüsichkeit im Keller un der heiriche war ach schun REIF;der hat sich schun prima trinke gelos un hat ziemlich viel Maliganie – GEISCHT – khat.To hat een Bauer aus Morawa _ Grosschemlak,een umwech iwer Maoritzfeld uf Gataia,gemach un is zum Wahnersch Vettr Hans gang sich een neii Wahnstang zu bestelle.Sie han alles be-sproch wie die Stang gemach soll were –mit Eisebeschläge vore un ach hinne,also mit Hoke vor die Halftre un de Zahm,eisernes loch vor de Notnagel,die Länge hat solle vier Meter sin ach der Preis is ausgemach gin un am nächste Samschtach hat der Mann sie dann abholle solle.Un so war des ach,wie er vum Mark hemgfahr is hat er sei neie Wahnstang abghol ,hat se kotroliert,war zufriede-ausgezahlt,ufgelad un is hemmgfahr.Drhemm hat er se glei an sei Wahn getun ,na ja to hat er bemerkt das die etwas kherzer war wie die alti – is zum seim Nochper gang,hat sich een Zollstock geporcht,abgemess un doo war die Stang jo nor treimeterachzich lang.Am Montach is er dann ach glei iwer die Weingärter (es sin jo nor 5 Km.) uf Moritzfald gfahzr zum Vettr Hans.Wie de ne gsin hat,hat er ach schun gewist was los is,hat awer de DUMME gschpielt un gfroot „ Na vecine ( Nochper ) brauchscht noch etwas neies ? ;Un wie der ihm dann gsaat hat das die Stang nor 3,8 Meter ist hat er glei sei Zollstock ghol,abgemess –hat scheinheiliche Auge gemach – stimmt es sin nor treimeterachzich – die Stang muss ingetrukelt sin in dere Zeit wu die to in dr Sunn geleht hat,dar „nui bai „(keen problem ) die 2o zentimeter khan mehr STRECKE.Is ach glei in die Kuchl gang,hat phar Kepp Knowel geprunk,een Kruch vun dem Heiriche un zwoo Gläser,hat ingschenckt un gsaat „des mache mir glei,des dauert netmol een halwie Stund,vorher STÄRK mr uns een bissl un dann ran an die Arweit“Er hat die Stang in die Howelbang ingschpant,mit eem Holzhammer den Knowel verklopt,hat angfang die Stang fescht inzureiwe,schikt de WETSCHIN zum Strohschower er soll zwoo Pischle Stroh bringe.In dere Zeit hat unser Vettr Hans mit dr Beiszang,drei zentimetr vun seim Zollstock abgezwickt un wie der Mann mit dem Stroh zurück kumm is,han alli zwoo angfang zu reiwe-des muss mr so mache bis die Stang warm wert dann khenne mr se ZIEHE.Sie han so ungefähr lo Minute fescht gerieb,dann dran gezooh,sin inzwische ach ins schwitze kum,dr Meister hat nochmol ingschenkt – NOROC-(Prosit ) ausgetrunk,abgemess un to war die Stang ach schun um l2 zentimeter länger-noch een bisel un mir hans gschaft.Hat nochmol Knowel ghol,ingerieb, den Wetschin wieder um zwoo Pischle Stroh gschickt,noch-mol vum Zollstock zwoo zentimetr abgezwickt un wieder angfang zu reiwe bis se ins schwitrze kum sin.So jetz mus es stimme un passe,schenkt nbochmol in –PROSIT –trinke ach tritti Glas aus“au ce fain a fost“(au wie gut des war )Dr Vettr Hans holt den Zollstock messt un schau her genau vier Meter is rauskhum.Mai wie fain hascht du des getroff saat der Wetschine,froh un zufriede holt er sei Stang lad se uf sei Wahn un fahrt hemm.Im Dorf hat er dann alli Leit verzählt was der Vettr Hans doch een gscheider un gschikter Meister is.Die Wahnstnag hat er nimmer zuruckgeprun um se nochmol STRECKE zulosse,hat awer ach keen anri Arweit mehr beim Vettr Hans mache geloss.
To sieht mer das net nor unsri Musichkante Sinn vor Spass un Humor ghat han,nee ach die Handwerker un ach unsri Baure,ware zu jeder Zeit vor een Spass,vor een Schawrnackel,zu han un wan se eemol ach selwer drufgezahlt han des hat ne nix ausgemach,siue han mitgelacht un drbei ach glei an „ZURUCKTUN „ gedenkt.Was noch so allerhand vorkum is,des wer ich eich een anresmol verzähle oder schreiwe.Es wär awer scheen,wan ach jemand vum eich LESER,eenmol schreiwe tät was so allerhand luschtiches un scheenes passiert is.
In dr Hoffnung das sich noch jemand zu mir uf die TRATSCHBANK sitzt um etwas zu verzähle,griest eich alli,wie immer
Em HANIKLSKLOS sei HANS