Willkommen auf der Moritzfelder Tratschbank.

Tratschbank Autor Johann Salm

Beitrag 1 - Beitrag 2 - Beitrag 3 - Beitrag 4 - Beitrag 5 - Beitrag 6 - Beitrag 7 (neu) - Beitrag 8 (neu)

3. Beitrag:

Errinerung von drhem –oder wie es eemol war !
Mir soll net glawe wie schnell doch die Zeit verght,kaum is dr Summer to-un dan is es auch schun glei Winter,des Crischkindl kummt-des is jo immer een grossi Freit vor die Kiner,des neie Johr is ach so gschwint vergan.Wan ich so owets vor dem Fernseher sitz un an die scheeni Zeit vun eemol denk-wie ach mir noch jung un vielkeicht ach scheen ware,to kann es eem doch leet tun das des alles so schnel vergang is.Ich wees net is des nor bei uns ältre Mensche soo,heng des vielleicht mit dere „ATOMÄRA“ zamm,immer-hin ich kann des ganzi net so richtich verstehn.Es is jo noch net so lang her,wie die Moritzfelder Jugend des FOOTBAL-TURNIER,in Moosham gemach han,to ware jo ziemlich viel Landsleit drpei un die was net dort ware dene sol es richtich leet tun,weil so etwas scheenes un luschtiches gibt es net jede Tach zu gsien ( awer des hat jo ach in dr BANATER POST,gschtan. Ich men des ganzi war erscht vor phar Täch awer leider-leider is vun dem Neie Johr ach schon die erschte zwaa Monate vorbei,Gotts sei dank ach die lange Wintrowede sin rum,un die ware drhem doch immer so scheen,ich men halt frieher wie ach mir noch etwas jünger ware,to is mer MAIE oder KARTE SPIELE gan,die was ewe noch net do han terfe mit mache-die kleene-grosse Buwe,die sin uf de Gasse rumgelof un han so manches Schawrnakel getrieb oder bei de Mädle es Tierl auskonk un fort getran.Un weil mer sich in deni langi Winterowede oft langweile tut to han ich halt mol in dem INTERNET rumgsucht in der Meinung das sich noch aa phar Landsleit uf die Tratschbank gsietzt han um etwas vun drhem zu verzähle-a es keener Zeit khat.Mir wisse jo das unser Moritzfelder immer fleisich ware,net nor in der Arweit sondern ach beim WITZE MACHE;beim foppe un anre verspotte.Na ja han ich mir getänkt,to sitz ich mich nochmol hin un schreib etwas iwer des Dorflewe vun drhem un wie mir uns unerhall han,ohni Diskhoteg,ohni Fernseher un soo allerhand drum un dran,wie es heint to in Deitschland gibt. Also fang ich mit unsrer Musich an,das mir seit eh un je immer guti Musikante han khat des wees mr in der ganzei Moritzfelder Umgebung.Vor dem zweite Weltkriech han mir sogar zwa Blosmusichkappele khat,der eeni Kappelmeister war der Mehlersch Vetter Michl-des war een guti Musichband,lautet ältre Musikante.Dan soo in de 35 Johreis noch een neier Kappelmeister vun Karansebesch kum,un der hat mit neie junge Männer angfan een Kappel zu formiere.Auser de Faschtezeit,hats fascht jede Samschtachowed Tanzunerhaltung gin.Eenmol in Kaiserwärtshaus-beim FischetKaspar,un een anres mol im Monte Carlo,beim Salm Klos.Dan ware doch ach noch die viele Bäler,angfang hats mit dem Trauwebal,ach Erntedangfescht hat mr gsaat,dan war es Khatreinerbal,Jägerbal,MEISTERBAL;Feierwerkerbal,Pinckelbal(to is jeder mit sein Esse un Trinke kum)dan hat mr ach ab un zu Maskenbal ghat un abgschlos har mr mit dem Faschingsbal-weil jo die Oschterfaschte Zeit dan angfan het.Beinah hät ich jo unser wichtichschtes BAL vergess-DIE KHERWEI- un des hat doch immer trei Täch gedauert,to sin jedes Johr fascht alli Moritzfelder,vun der ganzi Welr zammkum un wie luschtich un scheen des immer war,des wär ich vielleicht ach noch eenmol schreiwe.Sieht dr liewi Landsleit,bei uns im Dorf war immer etwas los,mir han uns net gelangweilt drhem,so wie des heint mit vieli vun uns passirt. Ach noo dem zweitw Weltkriech,wie dan unser Landsleit,so langsam wieder hemkum sin,aus der Gfangeschaft,anri vun dr Flucht,dan ach die Russland deportierte,un die was uf de Baragan verschlept ware,dan hats sich wieder angfang zu Normalisiere-wan mar des halt noch normal hat kenne nenne,no dem was alles passiert is in dere zwische Zeit,ich men währent dem Kriech un ach noher.Fascht l5o Landsleit sin nimer hem kum,es war kaum een Haus des wu net jemante verlor hat.Dan war ach noch die Enteignung von Haus un Feld,Not Elend un Verzweiflung war iweral zu spiere.Awer wie ich schun gsat han,mir Moritzfelder,han uns net so gschwind unerkriee gelos-durch die Arweit,unser Humor un Spass an, allem hat uns ufrecht khal.Een grosse hilfe in der schweri Zeit war vor vieli die Musich,die uns so manche schwere Stunde und Schiksalsschläch,vergesse gelos hat.Ich men,im vergleich zu anre Ortschafte mit dem gleiche Schiksal.Es war halt nixmehr wies frieher eenmol war,fascht hunertfufzich junge Mensche han die Heimat niemehr gsin un mir wees ach net wu,wan un ob se ach iwerhaupt ingendwu un dr Ferne,een Grab han.khat. Trauer,Not un Elend war genuch im Dorf,fascht jedes Haus war betrof-awer wie es ewe so is-es Lewe muss wieder weidr gehn un langsam-langsam han mir uns ach wieder an die alte Zeite un Gewohnheite errinert.Das es vielleicht bei uns etwas gschwinter passiert is wie in de anre deitsche Ortschaftedes war halt ewe unser Hamur,Spass un unser Musich,die hat bei uns immer een grossi Roll gschpielt.Un grad in dere schweri Zeit um die fufzicher Johre,han sich phar jungi Männer zamgfun un han so een art Schrammelband gebildet-ach die junge Leit han wieder freit un luscht am Tanze gfun,na ja un dan hat des frieheri Lewe in Moritzfeld wieder,irgendwie angfan.Natierlich sin drbei unsri Tote,net vergess gin,ach die Enteignung vun Haus un Feld hat mer net vergesse kenne.Awer unser Musich war weit un breit bekannt,vun der ganzi Umgebung sin die Medle un Buwe beikum,wans khees hat das in Moritzfeld MARI BAL is,vun Gataia,Sculeu,Berzowia,Bokschan,Waldau (die Siedlung existiert heint niemer )Es wert verzehlt das die luschtichi Mzsikante manchmol-an eem Owed-sogar in trei Ortschafte gleichzeitich gschpielt han-(in Groscham,Perkos un Moritzfeld )awer wie se des gemach han,verzehl ich eich een anres mol.Um se awer net zu vergesse,ach das unser Kiner un Engelskiner es noch wisse solle wie es bei uns eemol war un ach wer zu dem beighetraa hat,mecht ich se dr Reih noo erwehne :Anfange tu ich mit dere Trummel,weil die doch de Hauptinsschtrument bei eener Musich is,ohne die geht nix-to es khe Takt,khe lerm un ach khe Ordnung.Trummelmann ware dr Rothase Hans un dr Schmutze Stefi,uf de Akordeone hat dr Theese Hans un Schmidt Klosi gschpiel,die Trompete oder Fliegelhorn hat dr Lohmüllersch Sepp geplos un uf dem Saxaphon,des wu manchmol gelacht awer ab un zu ach kreische (weine ) hat khene,to war dr Theese Pedi zustentich.Leit ich muss eich san,die han manchmol gsun un gschpielt das mr gement hat es Herz schpringt eem aus dr Pruscht,getantzt is gin des oft die Fetze gfloh sin. Vielleicht war es jo grad die Musich,die was dene Mensche im Dorf, vor phar Stunde,ihre sorche un elend vergesse gelos han.Ich men-un des is mei eigene Meinung-das sie (die Musichkante )sich dessen jo garnet bewusst ware wie wichtich sie vor vieli Leit ware,mit ihrem Temperament un Frohsinn so manchem im Dorf iwer sei Not,Elend un schweri Zeite,verholf han un deshalb sollte mir alli ach noo so langer Zeit,vor vieli von ihne ach POSTMORTEM,een ufrichtiches DANKSCHEEN san. Das unser Dorf vor die umliegente Ortschafte vun wichitichkei war,das mir iweral bekannt ware,net nor dorch die Musich,ach dorch die guti Handwerker die es dort eemol gin hat,des wees jo fascht een jeder-ob des die Tischtler ware,oder Zimmermann,Maurer,Fassbinder,Schneider,Schuster,Sattler,Wahner (Wagner)Kaufmann,alli aus deni Nochberschderfer sin zu uns kum um sich was mache zu lose,oder inkaafe,sogar balwiere han sich viel to bei uns gelos.Aprop BALWIERER,es is jo mol gsaat gin dass die Moritzfelelder Buwe-een phaar von ihne-schun mit dem Balwiermeeser uf die Welt kum sin.Un des kann sogar stimme wan mr denkt das doch fascht halb Montan Reschitz sich bei deni Moritzfelder Balwiere,die Hoor un de Bart arangiere gelos han.Ach heint kenne sich vieli vun deni Reschitzarer noch an de Melcher Hans,Khel Martin,Loth Hans,Mehler Michl,Rieger Pedi,Welschof Seppi,Belgrasch Pedi,errinre (vielleicht ware ach noch anre die ich net khen). Das mir uns immer mit alli Nochbre un ach anri Nationalitete gut verstan han-un sie ach mit uns,ob des die Rumänre ware oder Ungare,Serwe,Jude sogar mit de Zigeinre,awer die derf mr heint jo niemer so nenne-die heese jetz doch Sintis oder Romas,an dem brauch un soll ach niemand zweifle.Wer es awer net glabt der sol sich zampacke un hem uf Moritzfeld fahre un sich selwer iwerzeihe.Es wohne dort jo noch een phar vun dene ältre Koloniste,der sol mol die frohe wie sie mit uns auskum sin-un ach jetz noch auskume mit deni phar deitsche die noch dort lewe-es sin noch ungefähr 4o-5o Persone.Die Antwort kann ich eich awer schun jetz san :“Wisstr es is niemer so scheen wie es mol frieher war,wie noch die Wess Lisi,Khati,Berwi,Anna odr dr Vettr Klos,Hans,Pheder, Sepp un anri to gewohnt han-nee es is niemer soo un schad das die alli fort sin,mit dene han mir un so gut verstan un han ach so vieles mitenander mache un verzähle kenne,heint is es niemer scheen „Jo des were die eich san noo fascht zwanzich Johr seit die meischte vun uns vun dort fort sin.Wan vielleicht een jungi Person runerfahrt un der net rumänisch kann,keen problem die kenne alli schwowisch rede,ich men unseri alte Koloniste. Das ach die Zigeinre uns gschätzt un respektiert han des kann mer jo schun deshalb gsien weil seit eh un je in Moritzfeld kha einzicher gewohnt hat,ausrem Schinder mit seim Weib,dem Schinderanna.Un der is netmol freiwilich kum,den hat die Gemeinde bringe gelos weil mir halt khe Totegräber mehr khat han vor des gfrekti Vieh inzugrawe.Das Moritzfeld schon vor hunert Johr een Friedhof vor Tiere khat hat-des war uf dr Hutweet,hinrem Schenolake,bei de Kleegerter,des is schun was! Es wär jo noch so vieles zu schreiwe oder verzähle,luschtiches un ach ernschtes,awer ich men jetzt sollt mol jemande vun deni jungi Landsleit sich uf unser Tratschbank sitze un etwas vun drhem schreiwe,zum Beischpiel wie een phar so kleeni-grossi Buwe,Milone gschtol han,dem Wächter se direkt vun dr Hit wegkhol han,trotzdem der zwa grosse Hunde hat khat,oder vieleich wie die Karteschpieler beim Pockre oder 21sich des Geld verschaft han vor ihre Schpiel Schulde zu zahle un des in Natura-mit Kukrutz,Frucht oder Gerscht-des was awer net in ihrem Garte gewax is.Dan war doch ach noch die Gschicht mit dem Trauwebal,wu die Hitre so een Abfiermittel,beigemischt han(in die Trauwe )un een phar vun deni Rauwre des Klosset niemer erreicht han.Ich denk sogar een phar Koch – Packrezepte,noo Moritzfelder art,kennt mer to rinschreiwe.


Do gibst doch noch so viel krummi Sache
Zum kreische un ach zum lache,
Des wer bestimmt scheen,wan des ach im Internet mecht stehn,
Un alli Leit,jung oder alt,solles wisse
Dass mir Moritzfelder uns net schäme misse
Deshalb schreibt ach Ihr alles was dr wisst
Gelees werts doch ach eemol,des is gewiss !
Ich wart un hoff,das sich balt jemand zu mir uf die Tratschbank sitze wert,den es wer noch so viles zu verzehle.

Bis dahin griisst eich wie immer
EM HANIKLS KLOS sei Hans.!


weiter zu Beitrag Nr.4